Departamenti i Informacionit dhe Marrëdhënieve me Publikun  pranë Këshillit të Ministrave u rithekson të gjitha medieve të shkruara dhe elektronike se adresa e faqes zyrtare të internetit të Këshillit të Ministrave është www.km.gov.al.

Të gjitha informacionet dhe njoftimet zyrtare si dhe materialet multimediale që publikon Departamenti i Informacionit dhe Marrëdhënieve me Publikun janë të disponueshëm vetëm në këtë adresë interneti.  

Përdorimi nga çdo faqe tjetër interneti i të dhënave dhe fotove të regjistruara të faqes zyrtare të Këshillit të Ministrave, në kundërshtim të plotë me ligjin, përbën spekulim të turpshëm dhe cenon imazhin e Shqipërisë dhe tërë shqiptarëve.

Departamenti njofton se ka kontaktuar organet përkatëse hetimore dhe se do të kërkojë të merren  të gjitha masat ligjore për gjetjen dhe ndëshkimin e autorëve.